க. பத்மநாதன்
க. பத்மநாதன் K. Pathmanathan | |
|---|---|
| அம்பாறை மாவட்ட நாடாம்முமன்ற உறுப்பினர் | |
| பதவியில் 2004–2009 | |
| பின்னவர் | தோமசு வில்லியம், ததேகூ |
| தனிப்பட்ட விவரங்கள் | |
| பிறப்பு | 30 மே 1948 |
| இறப்பு | 21 மே 2009 (அகவை 60) மதுரை, தமிழ்நாடு, இந்தியா |
| தேசியம் | இலங்கைத் தமிழர் |
| அரசியல் கட்சி | தமிழ்த் தேசியக் கூட்டமைப்பு |
| வேலை | அரசு அதிகாரி |
கனகசபை பத்மநாதன் (Kanagasabai Pathmanathan, 30 மே 1948 - 21 மே 2009) இலங்கைத் தமிழ் அரசியல்வாதியும், முன்னாள் நாடாளுமன்ற உறுப்பினரும் ஆவார்.
ஆரம்ப வாழ்க்கை
கனகசபை பத்மநாதன் அம்பாறை மாவட்டம், காரைதீவில் இளையதம்பி கனகசபை, சின்னத்தம்பி பத்மாவதி ஆகியோருக்குப் பிறந்தவர்.[1] தனது ஆரம்பக் கல்வியை காரைதீவு இராமகிருஷ்ண ஆண்கள் பாடசாலை, கல்முனை பாத்திமா கல்லூரி ஆகிய பாடசாலைகளில் கல்வி கற்றார். இலங்கைக் காவல்துறையில் பணியாற்றிய பின்னர் வவுனியா கட்டிடப்ப் பொருட்கள் திணைக்களத்தில் பணியாற்றினார்.[1] அரசியலுக்கு வரும் முன்னர் தேசிய வீடமைப்பு அதிகார சபையின் அம்பாறை மாவட்ட முகாமையாளராகப் பல ஆண்டுகள் பணியாற்றினார்.[2]
அரசியலில்
பத்மநாதன் 2004 நாடாளுமன்றத் தேர்தலில் தமிழ்த் தேசியக் கூட்டமைப்பு வேட்பாளர்களில் ஒருவராக அம்பாறை மாவட்டத்தில் போட்டியிட்டு 29,002 விருப்பு வாக்குகள் பெற்று ததேகூ வேட்பாளர்களில் முதலாவதாக வந்து வெற்றி பெற்று நாடாளுமன்றம் சென்றார்.[3]
பத்மநாதன் 2009 மே 21 அன்று சிறிது கால சுகவீனமற்ற நிலையில் மதுரையில் காலமானார்.[2]
மேற்கோள்கள்
- ↑ 1.0 1.1 "மண்ணை மாண்புறச்செய்த மைந்தரின் 4ம் ஆண்டு நினைவஞ்சலி". karaitivu.org. 4 சூன் 2013. Archived from the original on 2016-03-05. பார்க்கப்பட்ட நாள் 27 செப்டம்பர் 2015.
- ↑ 2.0 2.1 "TNA parliamentarian Kanagasabai passes away". தமிழ்நெட். 21 மே 2009. பார்க்கப்பட்ட நாள் 27 செப்டம்பர் 2015.
- ↑ "General Election 2004 Preferences" (PDF). இலங்கைத் தேர்தல் திணைக்களம். Archived from the original (PDF) on 2010-03-04. பார்க்கப்பட்ட நாள் 2015-09-27.