ஏழூர் செட்டி

ஏழூர் செட்டி (Elur Chetty) என்பது தென்னிந்தியாவில் வாழும் தமிழும், மலையாளமும் பேசும் இந்து நகரத்தார் செட்டியார் சமூகமாகும்.^[1]^[2]^[3] இவர்கள் கன்னியாகுமரி மாவட்டத்தில் வசிப்பதாலும், அருகிலுள்ள இடங்கள் கேரளம் என்பதாலும், அவர்கள் தமிழ், மலையாளம் மற்றும் தமிழ் கலந்த மலையாள மொழியை பேசுகிறார்கள்.

இவர்கள் முதலில் தஞ்சாவூர் மாவட்டத்திலுள்ள காவேரிப்பூம்பட்டினத்திலிருந்து குடிபெயர்ந்து, கன்னியாகுமரி மாவட்டத்தில் வந்து குடியேறியவர்கள்.^[4]^[5] இவர்களை 'ஏழூர் செட்டு / ஏலூர் செட்டி / ஏழூர் செட்டி நகரத்தார் / ஏழூர் செட்டியார்' என்றும் அழைப்பார்கள்.

ஏழு ஊர்

“ஏழு ஊர்” என்ற சொல்லிலிருந்தே இவர்களின் பெயர் உருவானது. அந்த ஏழு ஊர்கள் தென் தமிழகத்தின், கன்னியாகுமரி மாவட்டத்தில் உள்ள இடங்களாகும்.

ஏழூர் செட்டி சங்கம் 1952-ம் ஆண்டு ஏரணியிலில் அலுவலகத்துடன் பதிவு செய்யப்பட்ட சங்கமாகத் தொடங்கப்பட்டது. இதற்கு முன், 1935-ம் ஆண்டு (1100 வைகாசி 29) “அகில திரவாங்கூர் ஏழூர் செட்டு சமூக மைய சங்கம்” என ஆரம்பிக்கப்பட்டது.

1993 ஆம் ஆண்டு, மண்டல் ஆணையத்தின் பரிந்துரையின்படி, சமூக மற்றும் பொருளாதார பின் தங்கிய நிலையை கருத்தில் கொண்டு, ஏழூர் செட்டிகள் தமிழ்நாடு மற்றும் கேரளத்தில் பிற்படுத்தப்பட்ட வகுப்பாக (OBC) வகைப்படுத்தப்பட்டனர்.

இந்த சமூகத்தைச் சேர்ந்தவர்கள் “செட்டி” எனும் பொது பெயருக்குள் வருகிறார்கள். ஏழூர் செட்டிகள் ஒருகாலத்தில் வணிகத்தைச் செய்த சமூகமாக இருந்தார்கள்.