சகரன்வாசு
சகரன்வாசு Saharanwas | |
|---|---|
கிராமம் | |
  இந்தியாவின் அரியானாவில் அமைவிடம்  சகரன்வாசு (இந்தியா) | |
| ஆள்கூறுகள்: 28°07′18″N 76°20′05″E / 28.1218°N 76.3346°E | |
| நாடு | இந்தியா |
| மாநிலம் | அரியானா |
| மாவட்டம் | ரேவாரி |
| நகராட்சி | ரேவாரி |
| மொழிகள் | |
| • அலுவல் | இந்தி |
| நேர வலயம் | ஒசநே+5:30 (இந்திய சீர் நேரம்) |
| அஞ்சல் குறியீட்டு எண் | 123401 |
சகரன்வாசு (Saharanwas) இந்தியாவின் அரியானா மாநிலத்திலுள்ள இரேவாரி மாவட்டத்தில் உள்ள ஒரு கிராமமாகும். நர்னௌல்-மகேந்திரகர் சாலையில் இரேவாரி நகரத்திலிருந்து 5 கிலோமீட்டர் (3.1 மைல்) தொலைவில் இக்கிராமம் அமைந்துள்ளது.
2003 ஆம் ஆண்டு வெளியிடப்பட்ட ஓர் அறிக்கை, இந்த கிராமத்தை "பெரிய கிராமம்" என்று விவரித்தது. சுமார் 600 வீடுகளும் 2000 வாக்காளர்களும் இங்கு வசித்து வந்தனர். பெரும்பான்மையான மக்கள் பட்டியல் சாதியினராக பட்டியலிடப்பட்டிருந்தனர்.[1]
கிராமத்தின் தலைவராகச் செயல்படும் சர்பஞ்ச் பதவி, ஒன்பது பேர் கொண்ட ஒரு கிராம பஞ்சாயத்தின் (உள்ளூர் நிர்வாக அமைப்பு) உதவியுடன், அகிர் சமூகத்தைச் சேர்ந்த ஒரு குறிப்பிட்ட குடும்பத்தால் கட்டுப்படுத்தப்படுகிறது. "பஞ்சாயத்து நிலத்தின் பெரும்பகுதி மற்றும் பொதுவான கிராம நிலம் உட்பட" பெரும்பாலான நிலங்களைக் கட்டுப்படுத்துவதும் அகிர் சமூகமாகும். 2003 ஆம் ஆண்டு கிராம பஞ்சாயத்தின் செயல்திறன் குறித்து நேர்காணல் செய்யப்பட்டபோது, சர்பஞ்ச் விரக்தியை வெளிப்படுத்தினார், பணிகள் பெரும்பாலும் அதன் கட்டுப்பாட்டிற்கு வெளியே உள்ள நிர்வாக சிக்கல்களால் தடைபட்டதாகக் கூறினார்.[1]
2010 ஆம் ஆண்டு, அந்த நோக்கத்திற்காக பஞ்சாயத்தால் நன்கொடையாக வழங்கப்பட்ட நிலத்தில் கிராமத்தில் ஒரு தொழில்துறை பயிற்சி நிறுவனம் நிறுவப்படும் என்று அறிவிக்கப்பட்டது.[2]
கிராமத்தில் ஒரு சட்ட ஆலோசனை மையமும் ஆயுர்வேத மருத்துவமனையும் இருந்தன.[3]
சகரன்வாசு கிராமம் அரியானா மாநில சட்டப்பேரவை உறுப்பினர் அச்சய் சிங் யாதவின் பிறந்த ஊராகும்.[4]
மேற்கோள்கள்
- ↑ 1.0 1.1 "Finances of Panchayats" (PDF). New Delhi: PRIA (Society for Participatory Research in Asia). மார்ச்சு 2003. p. 29. Archived from the original (PDF) on 29 ஏப்பிரல் 2011. Retrieved 18 பெப்பிரவரி 2012.
- ↑ "Haryana to set up ind.training institute for youth". Punjab Newsline Network. 1 December 2010. http://punjabnewsline.com/content/haryana-set-indtraining-institute-youth/26588. பார்த்த நாள்: 2012-02-18.
- ↑ "List of Legal Aid Clinics established in the State of Haryana" (PDF). Haryana State Legal Services Authority. 10 February 2012. p. 11. Retrieved 2012-02-18.
- ↑ "Haryana Vidhan Sabha MLA - Capt. Ajay Singh Yadav". Haryana Assembly. Retrieved 2012-02-18.