சரண்டர்
சரண்டர் (Surrender) என்பது 2025 ஆம் ஆண்டில் வெளிவந்த இந்தியத் தமிழ்த் திரைப்படம். இதனை அறிமுக இயக்குநர் கௌதமன் கணபதி எழுதி இயக்கியுள்ளார், இதில் தர்சன் தியாகராஜா முக்கிய வேடத்திலும், லால், சுஜித் சங்கர், முனீஷ்காந்த் ராமதாஸ், பதின் குமார், டேவிட் சாலமன் ராஜா மற்றும் பலரும் நடித்துள்ளனர்.[1][2]
| சரண்டர் | |
|---|---|
| இயக்கம் | கௌதமன் கணபதி |
| தயாரிப்பு | விஆர்வி. குமார் |
| கதை | கௌதமன் கணபதி |
| இசை | விக்காசு பதிசா |
| நடிப்பு |
|
| ஒளிப்பதிவு | மெய்யேந்திரன் |
| படத்தொகுப்பு | ரேணுகோபால் |
| கலையகம் | அப்பீட் பிக்சரசு |
| வெளியீடு | 1 ஆகத்து 2025 |
| நாடு | இந்தியா |
| மொழி | தமிழ் |
சரண்டர் 2025 ஆகத்து 1 அன்று திரையரங்குகளில் வெளியிடப்பட்டது.
திரைக்கதை
இந்தக் கதை நான்கு முக்கிய கதாபாத்திரங்களைச் சுற்றி வருகிறது: ஒரு அனுபவமிக்க காவலர், ஒரு பயிற்சி-நிலைக் காவலர், ஒரு உள்ளூர் குண்டர், ஒரு சிறிய கால அரசியல்வாதி.
காவலர் பெரியசாமி (லால்), அதே திருமழிசைக் காவல் நிலையத்தில் 20 ஆண்டுகளுக்கும் மேலாக எழுத்தராகப் பணியாற்றி வரும் ஒரு நேர்மையான மனிதர். 3 மாதங்களுக்கு முன்பு அதே நிலையத்தில் நியமிக்கப்பட்ட பயிற்சி-நிலைக் காவலர் புகழ் (தர்சன்). தேர்தல் நெருங்கி வருவதால், எல்லைக்குட்பட்ட துப்பாக்கி வைத்திருப்பவர்கள் தங்கள் துப்பாக்கிகளை காவல் நிலையத்தில் ஒப்படைக்க வேண்டும் என்று அறிவுறுத்தப்படுகிறது. நடிகர் மன்சூர் அலி கான் தனது துப்பாக்கியை காவல் நிலையத்தில் பெரியசாமியிடம் ஒப்படைத்து, தேர்தல் முடிந்தவுடன் அது தனக்குத் தேவை என்று கோருகிறார். பெரியசாமி அதனைப் பெட்டகத்தில் பாதுகாப்பாக வைத்தும் அது தொலைந்து போகிறது.
அந்தப் பகுதியைச் சேர்ந்த கனகு (சுஜித் சங்கர்) என்ற ஒரு பிரபலமான கொள்ளைக்காரன், வரவிருக்கும் தேர்தலில் தங்கள் கட்சி வெற்றிபெற வாக்காளர்களுக்கு வழங்கவிருந்த 10 கோடி ரூபாய் காணாமல் போகிறது. காணாமல் போன கைத்துப்பாக்கியைக் கண்டுபிடிக்கும்படி பணிக்கப்படுகிறார் பயிற்சிக் காவலர் புகழ். இன்னொரு பக்கம், கனகுவும் அவர் ஆட்களும் பணத்தைத் தேடுகிறார்கள்.
சில தீவிர விசாரணைகள் மற்றும் திருப்பங்களுக்குப் பிறகு, புகழும் பெரியசாமியும் துப்பாக்கியை மீட்டெடுக்கிறார்களா இல்லையா, கனகு தனது பணத்தைக் கண்டுபிடித்தாரா என்பதுதான் கதையின் மீதிப் பகுதி.
நடிகர்கள்
- தர்சன், உதவி ஆய்வாளர் புகழாக
- லால், பெரியசாமியாக
- சுஜித் சங்கர், கனகுவாக
- முனீஷ்காந்த் ராமதாஸ்
- பாதின் குமார்
- மன்சூர் அலி கான்
- விக்கி
வெளியீடு
சரண்டர் திரையரங்குகளில் 2025 ஆகத்து 1 அன்று வெளியானது.[3]
வரவேற்பு
இந்த படத்தை இந்து தமிழ் திசை மதிப்பாய்வு செய்தது. "சிறந்த திரைக்கதை எழுத்து, பொருத்தமான நட்சத்திரத் தேர்வு, நேர்த்தியான காட்சியாக்கம், பொருத்தமான பின்னணி இசை, 'லைவ்’ ஆக உணர வைத்த ஒளிப்பதிவு ஆகியவற்றுக்கு அப்பால், 4 நாளில் நடக்கும் நிகழ்வுகளின் மூன்று தரப்பைத் தனது அட்டகாசமான படத்தொகுப்பால் ரேணு கோபால் தொகுத்த விதமே திரை அனுபவத்தை உச்சத்துக்கு எடுத்துச் சென்றுவிடுகிறது. உங்கள் நேரத்தைத் துணிந்து சரண்டர் செய்யலாம்." என அது எழுதியுள்ளது.[4]
மேற்கோள்கள்
- ↑ "Vjs unveils first look of Tharshan-starrer Surrender". www.dtnext.in (in ஆங்கிலம்). 2025-03-13. Retrieved 2025-08-03.
- ↑ "'Heart Beat' fame Padinekumar set to make her Kollywood debut with Gowtham Ganapathy's Surrender". The Times of India. 2025-07-22. https://timesofindia.indiatimes.com/web-series/heart-beat-fame-padinekumar-set-to-make-her-kollywood-debut-with-gowtham-ganapathys-surrender/articleshow/122832393.cms.
- ↑ Features, C. E. (2025-07-10). "Tharshan's next, Surrender sets release date". Cinema Express (in ஆங்கிலம்). Retrieved 2025-08-03.
- ↑ "சரண்டர்: திரை விமர்சனம்". Hindu Tamil Thisai. 2025-08-02. Retrieved 2025-08-04.