மால்புவா

மால்புவா

படிமம்:Malpoa pitha.jpg
பரிமாறப்படும் வெப்பநிலை	காலை உணவு, சிற்றுண்டி, இனிப்பு
தொடங்கிய இடம்	தென்கிழக்காசியா
பகுதி	வங்காளம், சார்க்கண்டு, ஒடிசா, அசாம், பீகார், திரிபுரா, நேபாளம்
தொடர்புடைய சமையல் வகைகள்	வங்கதேச உணவு, இந்திய உணவுமுறை, நேபாளிய உணவுகள்
முக்கிய சேர்பொருட்கள்	மாவு, அரிசி மாவு, இனிப்பு

மால்புவா (Malpua)(புவா இருந்து வேறுபட்டது) என்பது காலை தேநீருடன், பிற்பகல் தேநீருடன் சிற்றுண்டியாகும். இது இந்திய துணைக் கண்டத்தின் கிழக்குப்பகுதியில் தோன்றிய இனிப்பாகும். இது வங்காளதேசம், இந்தியா மற்றும் நேபாளம் பரிமாறப்படும் காலை இனிப்பு உணவாகும்.

வரலாறு

வேத காலத்தின் ஆரியர்களால் உண்ணப்பட்ட மிக அதிக அளவு தானியமாக பார்லி இருந்தது. இதிலிருந்து தயாரிக்கப்பட்ட ஓர் இனிப்பு மால்புவா என்று அழைக்கப்படும் ஒரு இனிப்பு கேக் ஆகும். பார்லி மாவினை நெய்யில் வறுத்தெடுத்து அல்லது தண்ணீரில் வேகவைத்து தேனில் ஊறவைத்து மால்புவா தயாரிக்கின்றனர்.

மால்புவாவும் வகைகளும்

ஒடிசா, மேற்கு வங்காளம், பீகார், உத்தரப்பிரதேசம் மற்றும் மகாராட்டிரா மற்றும் நேபாளத்தில் மால்புவா பிற இனிப்புகளுடன் பண்டிகைகளின் போது வழங்கப்படுகிறது.

தமிழ்நாடு போன்ற தென்னிந்திய மாநிலங்களில் இதே உணவு அதிரசம் என்றும் அழைக்கப்படுகிறது.

சில பகுதிகளில் மால்புவாவுக்கான கலவை பழுத்த வாழைப்பழங்கள் அல்லது (வங்கதேசம்) தேங்காயை நசுக்கி, மாவு மற்றும் தண்ணீர் அல்லது பால் சேர்த்து தயாரிக்கப்படுகிறது. இந்த கலவை சில நேரங்களில் ஏலக்காய் கொண்டு மென்மையாக பதப்படுத்தப்படுகிறது. இது எண்ணெயில் நன்கு வறுத்தெடுக்கப்பட்டு சூடாகப் பரிமாறப்படுகிறது. ஒடிசாவில் மால்புவா பருப்புகளுடன் வறுத்து தயாரித்தப் பின்னர் பிறகு இனிப்புக் கலவையில் ஊறவைக்கப்படுகின்றன. இந்த உணவின் பீகாரில் வறுப்பதற்கு முன்பு மாவில் சர்க்கரை சேர்க்கப்படுகிறது.

அமலு (மால்புவா) பகவான் ஜகந்நாதரின் சபனா போகாவில் ஒன்றாகும். மேலும் இது சஞ்சா துபாவில் (மாலை பிரார்த்தனை) சேர்க்கப்பட்டுள்ளது. மால்புவாவின் பிற வகைகளில் வாழைப்பழங்களுக்கு பதிலாக அன்னாசிப்பழங்கள் அல்லது மாம்பழங்களைப் பயன்படுகிறது. பெங்காலி, போஜ்புரி, மைதிலி மற்றும் ஒடியா மால்புவா பாரம்பரியமாக தடிமனாகவும் பால் மற்றும் சிறிது மாவு (சில நேரங்களில் கோதுமை மாவுக்கு பதிலாக அரிசி மாவு) சேர்த்துத் தயாரிக்கப்படுகிறது.

வட இந்தியாவில், குறிப்பாக உத்தரப்பிரதேசம், பீகார் மற்றும் இராசத்தானில் தயாரிக்கப்படும் மால்புவாவில் பழங்கள் இல்லை. இவர்கள் மைதா (சுத்திகரிக்கப்பட்ட மாவு), ரவை, பால் மற்றும் தயிர் சேர்த்து தயாரிக்கப்படுகிறது. ஒரு கரண்டி சூடான எண்ணெயில் ஒரு குமிழி பான்கேக்கை உருவாக்குவதற்கு முன்பு ஒரு சில மணி நேரம் நிற்க வைக்கப்படுகிறது. இது விளிம்புகளைச் சுற்றி மிருதுவாக இருக்க வேண்டும். பின்னர் அப்பளங்கள் ஒரு தடிமனான சர்க்கரை பாகில் ஊறவைக்கப்படுகிறது. மால்புவா என்பது இந்து மத ஹோலி பண்டிகையின் போது தயாரிக்கப்படும் ஒரு பிரபலமான இனிப்பு ஆகும். போஜ்புரி பிராந்தியத்தின் அசைவ உணவு உண்ணப்படும் வீடுகளில் ஹோலியின் போது மட்டன் கறியுடன் மால்புவாவும் பரிமாறப்படுகிறது.

மால்புவா என்பது நேபாளத்தின் மாதேசி மக்கள் மற்றும் நேவார் மக்கள் மத்தியில் பிரபலமான ஒரு உணவு வகையாகும். மாதேசி மக்கள் ஹோலி பண்டிகையின் போது இந்த உணவை தயாரிக்கிறார்கள். இது காத்மாண்டு பள்ளத்தாக்கில் மார்பா என்றும் அழைக்கப்படுகிறது. இது மைதா, பழுத்த வாழைப்பழங்கள், பெருஞ்சீரகம், மிளகு சோழமாவு, பால் மற்றும் சர்க்கரையை பயன்படுத்தி இந்தியாவில் தயாரிக்கப்படுவதைப் போலவே தயாரிக்கப்படுகிறது.

முஸ்லிம்களின் புனித ரமலான் மாதத்தில் பிரபலமான உணவாக மால்புவா உள்ளது. இந்தியா, பாக்கித்தான் முழுவதும் உள்ள முஸ்லீம் குடும்பங்கள் இப்தார் (நோன்பு திறப்பு உணவு) நோன்பின் போது மால்புவாவை தயாரிக்கின்றனர். இந்த மால்புவாவில் மைதா, ராவா மற்றும் கோயா/மாவா (பால் திடப்பொருட்கள்) ஆகியவை அடங்கும். மேலும் இது ஒரு பான்கேக்கின் வடிவத்தில் நன்கு வறுத்தெடுக்கப்படுகிறது. சில சமையல் குறிப்புகளில், மால்புவாக்கள் பரிமாறப்படுவதற்கு முன்பு சிரா எனப்படும் சர்க்கரை பாகில் ஊறவைக்கப்படுகின்றன. இவை ஒடியா உணவு வகைகளில் பிரபலமாக உள்ளது.