இரா. இரவி

இரா. இரவி
பிறப்பு	12-Nov-1963
பட்டம்	இரா. இரவி

இரா. இரவி தமிழகக் கவிஞர். இவரது கவிதைகள் முழுவதையும் கவிமலர் என்ற இணையதளத்தில் பதிப்பித்து உள்ளார். இந்த இணையத்தில் கவிதைகள், ஹைக்கூ (குறுங்கவிதைகள்), நகைச்சுவைத் துணுக்குகள், இலக்கிய விழா புகைப்படங்கள், விருந்தினர் புத்தகம், ஆங்கிலத்தில் ஹைக்கூ கவிதைகள் என பல்வேறு பகுதிகள் இடம் பெற்றுள்ளன. மதுரை திருமலை நாயக்கர் அரண்மனையில் சுற்றுலாத் துறையில் பணி புரிந்து வருகிறார்.

வெளிவந்த நூல்கள்

1. கவிதைச் சாரல் - 1997
2. ஹைக்கூ கவிதைகள் - 1998
3. விழிகளில் ஹைக்கூ - 2003
4. உள்ளத்தில் ஹைக்கூ - 2004
5. நெஞ்சத்தில் ஹைக்கூ - 2005
6. என்னவள் - 2007
7. இதயத்தில் ஹைக்கூ - 2007
8. கவிதை அல்ல விதை - 2010
9. மனதில் ஹைக்கூ - 2010
10. ஹைக்கூ ஆற்றுப்படை - 2010
11. சுட்டும் விழி - 2011
12. ஆயிரம் ஹைக்கூ – 2013
13. புத்தகம் போற்றுதும் - 2014
14. கவியமுதம் - 2014
15. ஹைக்கூ முதற்றே உலகு - 2015
16. வெளிச்ச விதைகள் - 2016
17. ஹைக்கூ உலா - 2017
18. கவிச்சுவை - 2018
19. ஹைக்கூ 500 - 2018
20. இறையன்பு கருவூலம் - 2019
21. இலக்கிய இணையர் படைப்புலகம் - 2019
22. ஏர்வாடியார் கருவூலம் -2019.
23. உதிராப்பூக்கள்-2020.
24. தமிழிலிருந்து இந்தி ஹைக்கூ 2021 (தொகுப்பாளர் எழுத்தாளர் ஆத்மார்த்தி மொழிபெயர்ப்பு பேராசிரியர் மரியா தெரசா)
25. தீண்டாதே தீயவை 2022
26. இளங்குமரனார் களஞ்சியம் 2022
27. அம்மா அப்பா .2022

சிறப்புக்கள்

• 26-01-92 குடியரசு தின விழாவில் சிறந்த அரசுப் பணியாளர்களுக்கான விருதினை மதுரை மாவட்ட ஆட்சித் தலைவரிடமிருந்து பெற்றுள்ளார்.
• இலண்டன் சுடரொளி வெளியீட்டுக் கழகம் உலக அளவில் நடத்திய இரண்டு கவிதைப் போட்டிகளில் பரிசு பெற்றுள்ளார்.
• இவரது சில ஹைக்கூ கவிதைகள் திருச்சி பாரதிதாசன் பல்கலைக்கழகத்தின் பாட நூலில் இடம் பெற்றுள்ளது.
• சிறந்த நூலிற்கான பரிசினை புதுவை துணைவேந்தரிடமிருந்து பெற்றுள்ளார்.
• இவரது 100க்கும் மேற்பட்ட ஹைக்கூ கவிதைகளை விஞ்ஞானி நெல்லை சு. முத்து "புத்தாயிரம் "தமிழ் ஹைக்கூ என்ற நூலில் மேற்கோள் காட்டி உள்ளார்.
• இவரது இணையத்தளக் கவிதைகளை சென்னை இலயோலா கல்லூரி மாணவர் இரவிக்குமார் ஆய்வு செய்து ஆய்வேடு சமர்ப்பித்துள்ளார்.
• தஞ்சாவூர் தமிழ்ப் பல்கலைக்கழகத்தின் அறிவியல் தமிழ்த்துறை மாணவர் அன்பு ஷிவா இவரது கவிதைகளை ஆய்வு செய்து வருகிறார்.