வைஜெயந்தி

வைஜெயந்தி (Vaijayanti, சங்கதம்: वैजयन्ति, romanized: Vaijayantī, lit. 'garland of victory' ) என்பது தொன்மங்களில் கூறப்படும் ஒரு மாலை ஆகும். இது முதன்மையாக விஷ்ணுவுடன் தொடர்புடையது. வழிபாட்டில் மாலையாகப் பயன்படுத்தப்படும் இந்தப் பொருள் வைஜெயந்திமாலை அல்லது வனமாலை என்றும் அழைக்கப்படுகிறது.

வைஜெயந்தி, கருநாடகத்தில்

இலக்கியம்

மகாபாரதத்தில் விஷ்ணு மீது பாடப்பட்ட தோத்திரமான விஷ்ணு சஹஸ்ரநாமத்தில் வனமாலை (வன மலர்கள்) என வைஜயந்தி குறிப்பிடுவதைக் காணலாம்:   வெற்றி மாலையானது, எப்போதும் வாடாத தாமரை மலர்களால் ஆனது என்று மகாபாரதத்தில் குறிப்பிடப்பட்டுள்ளது.

கந்த புராணத்தில் இலக்குமிக்கு திருமணப் பரிசாக வருணன் மாலையை வழங்குகிறான்.

இந்த மாலையில் முதன்மையாக மரகதம், நீலக்கல், மாணிக்கம், முத்து, வைரம் ஆகிய விலையுயர்ந்த ஐந்து கற்கள் பதிக்கப்பட்டுள்ளன என்று விஷ்ணு புராணத்தில் கூறப்படுள்ளது. அவை முறையே நிலம், நீர், நெருப்பு, காற்று, ஆகாயம் என அழைக்கப்படும் ஐந்து உன்னதமான கூறுகளுடன் ஒத்துப்போகின்றன.

அசுரன் தாரகனை எதிர்த்து போருக்கு செல்லும் தன் மருமகன் முருகனுக்கு தனது மாலையை விஷ்ணு வழங்கினார் என்று சிவமகாபுராணத்தில் குறிப்பிடப்பட்டுள்ளது.

கருட புராணத்தில் விஷ்ணு பஞ்சாரம் என்று அழைக்கப்படும் ஒரு பிரார்த்தனை உள்ளது. அதில் பின்வரும் வசனம் உள்ளது: "வைஜயந்தியையும் ஸ்ரீவத்சத்தையும் உமது கழுத்தில் அலங்காரமாக அணிந்து கொண்டு, வடமேற்கில் என்னைக் பாதுகாப்பாயாக, ஓ கடவுளே, ஓ ஹயக்ரீவா நான் உன்னை வணங்குகிறேன்".

ஸ்ரீ வைஷ்ணவம்

ஸ்ரீவைணவ மரபில், தொண்டரடிப்பொடியாழ்வார் வனமாலையின் அம்சமாகக் கருதப்படுகிறார்.

இதையும் காண்க

• சாளக்கிராமம்