பழனி

—  தேர்வு நிலை மாநகராட்சி(2021)  —
பழனி அமைவிடம்: பழனி, தமிழ்நாடு , இந்தியா
ஆள்கூறு	10°26′24″N 77°31′05″E
மாவட்டம்	பழநி
வட்டம்	பழநி
ஆளுநர்
முதலமைச்சர்
மாவட்ட ஆட்சியர்
மாநகராட்சித் தலைவர்
ஆணையர்
மக்கள் தொகை • அடர்த்தி	1,00,467 (2011) •
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	15.63 சதுர கிலோமீட்டர்கள் (6.03 sq mi)
குறியீடுகள் • அஞ்சல் குறியீட்டு எண் • 624 6XX • தொலைபேசி • +91-04545 • வாகனம் • TN
இணையதளம்	www.municipality.tn.gov.in/palani/

பழநி மலையின் தோற்றம்

பெரிய பள்ளிவாசல்

கொடைக்கானலிருந்து பாலாறு-பொருந்தலாறு அணையின் தோற்றம்

பழநி (Palani), இந்தியாவின் தமிழ்நாடு மாநிலத்தில் அமைந்துள்ள பழநி மாவட்டத்தில் உள்ள பழநி வட்டம் மற்றும் பழநி ஊராட்சி ஒன்றியம் ஆகியவற்றின் நிர்வாகத் தலைமையிட மாநகரமும், தேர்வுநிலை மாநகராட்சியும் ஆகும்.

மேற்கு தொடர்ச்சி மலையில் உள்ள பழநி மலையில் 18 சித்தர்களில் ஒருவரான போகரால் ஒன்பது வகை பாசாணத்தைக் கொண்டு செய்த புகழ் பெற்ற முருகன் சிலை, மலைக்கோயிலில் இருக்கிறது. இவ்வூரில் அறுபடை வீடுகளில் ஒன்றான திருஆவினன்குடி கோவிலும் உள்ளது.2013 ஆம் ஆண்டில் சங்ககால ஓவியங்கள் ஆண்டிப்பட்டி மலை, பழனியில் கண்டுபிடிக்கப்பட்டன.

சங்ககாலம்

இவ்வூரின் சங்ககாலப் பெயர் பொதினி

சங்க இலக்கியத்தில் பத்துப்பாட்டின் முதல் நூலான திருமுருகாற்றுப்படையில் நக்கீரர் குறிப்பிடுவது ஆவினன்குடியே ஆகும். “தா இல் கொள்கை மடந்தையொடு சில் நாள் ஆவினன்குடி அசைதலும் உரியன்” என்று திருமுருகாற்றுப்படையில் நக்கீரர் குறிப்பிடுகிறார். முருகன் ஆண்டிக்கோலத்தில் இருப்பதாக நக்கீரர் சொல்லவில்லை. வருத்தமே இல்லாத வள்ளியோடு சில நாட்கள் முருகன் தங்கியிருந்து இயங்கிய ஆவினன்குடி என்பது அதன் பொருள். ஆகையால் நக்கீரர் குறிப்பிடும் கோயிலும் இன்று கொண்டாடப்படும் பழனிமலைக் கோயிலும் வேறு வேறு. நக்கீரருக்குப் பிறகு வந்த போகர் உருவாக்கியதுதான் பழனியாண்டவர் மலைக்கோயில்.

வையாவி கோப்பெரும் பேகன் என்று அழைக்கப்படும் கடையெழு வள்ளல்களில் ஒருவரான மயிலுக்குப் போர்வை தந்த பேகன் பிறந்த குடிக்குப் பெயர் ஆவியர்குடி. அந்தக் குடி அமர்ந்து அரசு புரிந்த இடம் தான் ஆவினன்குடி. பிற்காலத் தமிழர் ஆட்சியில் வையாவிக்கோ நாட்டை வையாபுரி நாடு என்றனர்.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி, 65 மாநகராட்சி(2021) மன்ற உறுப்பினர்களையும், 50,015 குடும்பங்களையம் கொண்ட இந்நகரத்தின் மக்கள்தொகை 1,00,467 ஆகும். அதில் 54,007ஆண்களும், 46,460 பெண்களும் உள்ளனர். இந்நகரத்தின் எழுத்தறிவு 86.9% மற்றும் பாலின விகிதம்ஆண்களுக்கு, 11,023பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 9000ஆகவுள்ளது. குழந்தைகள் பாலின விகிதம், 10000 ஆண் குழந்தைகளுக்கு, 9700 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 19,679 மற்றும் 160 ஆகவுள்ளனர். மக்கள்தொகையில் இந்துக்கள் 75.71%, இசுலாமியர்கள் 14.4% , கிறித்தவர்கள் 5.44% மற்றும் பிறர் 6.46% ஆகவுள்ளனர்.

வழிபாட்டுத்தலங்கள்

• அருள்மிகு தண்டாயுதபாணி சுவாமி திருக்கோயில்(பழனி மக்கள் சாமிமலை என அழைப்பர்)
• திருவாவினன்குடி முருகன் கோவில் (அறுபடை வீடுகளில் மூன்றாம்படைவீடு)
• பெருமாள் கோயில்
• பெரியநாயகி அம்மன் கோயில்(யானைக்கோயில்)
• ரெணகாளியம்மன் கோயில்.
• மாரியம்மன் கோயில்
• பட்டத்து விநாயகர் கோயில்
• பெரியாவுடையார் கோயில்
• இடும்பன் மலைக் போயில்
• பெரிய பள்ளிவாசல்
• சின்ன பள்ளிவாசல்
• அல் ஃபலாஹ் பள்ளிவாசல்
• மஸ்ஜிதுர் ரஹ்மான்(JAQH)
• கன்னி பீவி தர்ஹா பள்ளிவாசல்
• மாமன்பள்ளி தர்ஹா
• வரதாபட்டிணம் தர்ஹா

சுற்றுலாத் தலங்கள்

• கொடைக்கானல்
• சண்முகா நதி
• பாலாறு,பொருந்தலாறு அணை
• அயிரை மலை(ஐவர் மலை) சமணப் பள்ளி
• குதிரை ஆறு அணை
• வரதமா நதி அணை
• அமராவதி அனை
• மூனார்(கேரளா)

கல்வி நிறுவனங்கள்

கல்லூரிகள்

• அருள்மிகு பழனி ஆண்டவர் கலை மற்றும் பண்பாட்டுக் கல்லூரி
• அருள்மிகு பழனி ஆண்டவர் பெண்கள் கலை கல்லூரி
• திரு சுப்ரமணியா பொறியியல் கல்லூரி
• திரு சுப்ரமணியா கலை மற்றும் அறிவியியல் கல்லூரி
• பாரதிதாசன் பல்கலைக்கழகம்

பல்தொழில் நுட்பப்பயிலகம்

• அருள்மிகு பழனி ஆண்டவர் ஆண்கள் பல்தொழில் நுட்பப்பயிலகம்
• திரு பாலமுருகன் பல்தொழில் நுட்பப்பயிலகம்

பள்ளிகள்

• நகராட்சி மேனிலைப் பள்ளி,பழனி
• ஐடிஓ மேனிலைப் பள்ளி, ஆயக்குடி
• தேவி மேனிலைப் பள்ளி
• புனித ஜோசப் மேனிலைப் பள்ளி
• புனித பால் மேனிலைப் பள்ளி
• சிறுமலர் உயர்நிலைப் பள்ளி
• அக்‌ஷயா மேனிலைப் பள்ளி
• சிரி ரேணுகாதேவி மேனிலைப் பள்ளி
• சுவாமி மெட்ரிக் மேனிலைப் பள்ளி
• சி.எஸ்.இ உவேக்மென் பள்ளி

வெளி இணைப்புகள்

• 360 டிகிரி கோணத்தில் பழனி தண்டாயுதபாணி கோயில்
• பழனி இடும்பன் கோயில்
• திருவாவினன்குடி - பழனி தண்டாயுதபாணி மலைக் கோயில் கூகுள் வரைபடம்
• விக்கிமேப்பியாவில் பழனி