மணப்பாறை

மணப்பாறை
—  முதல் நிலை நகராட்சி  —
மணப்பாறை அமைவிடம்: மணப்பாறை, தமிழ்நாடு , இந்தியா
ஆள்கூறு	10°36′N 78°25′E
நாடு	இந்தியா
பகுதி	சோழ நாடு
மாநிலம்	தமிழ்நாடு
மாவட்டம்	திருச்சிராப்பள்ளி
வட்டம்	மணப்பாறை வட்டம்
ஆளுநர்
முதலமைச்சர்
மாவட்ட ஆட்சியர்	பிரதீக் தயாள், இ. ஆ. ப
நகராட்சி தலைவர்	சாந்தி
சட்டமன்றத் தொகுதி	மணப்பாறை -
சட்டமன்ற உறுப்பினர்	ப. அப்துல் சமது (திமுக (மமக))
மக்கள் தொகை	40,510 (2011)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	• 172 மீட்டர்கள் (564 அடி)
குறியீடுகள் • அஞ்சல் குறியீட்டு எண் • 621306 • தொலைபேசி • +04332

மணப்பாறை (ஆங்கிலம்:Manapparai), இந்தியாவின் தமிழ்நாடு மாநிலத்தில் அமைந்துள்ள திருச்சிராப்பள்ளி மாவட்டத்தில் மணப்பாறை வட்டத்தில் இருக்கும் ஒரு முதல்நிலை நகராட்சி ஆகும். மணப்பாறை முறுக்கு மற்றும் மாட்டுச்சந்தைக்கும் மிகவும் புகழ்பெற்றது. மண என்பதற்கு தமிழில், கடினம் (HARD) என்று பொருள்; மணப்பாறை - கடின பாறைகள் கொண்ட நிலம்.

புவியியல்

இவ்வூரின் அமைவிடம் 10.6°N 78.42°E / 10.6; 78.42 ஆகும். கடல் மட்டத்தில் இருந்து இவ்வூர் சராசரியாக 172 மீட்டர் (564 அடி) உயரத்தில் இருக்கின்றது. இந்த ஊரில் முறுக்கு புகழ்பெற்றதாகும்.

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி, 27 நகராட்சி மன்ற உறுப்பினர்களையும், 9,934 குடும்பங்களையும் கொண்ட இந்நகரத்தின் மக்கள்தொகை 40,510 ஆகும். அதில் 20,139 ஆண்களும், 20,371 பெண்களும் உள்ளனர். இந்நகரத்தின் எழுத்தறிவு 87.8% மற்றும் பாலின விகிதம் 1000 ஆண்களுக்கு, 1,012பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 4090 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 951 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 4,849 மற்றும் 73 ஆகவுள்ளனர். மக்கள்தொகையில் இந்துக்கள் 65.67%, இசுலாமியர்கள் 11.3%, கிறித்தவர்கள் 22.95% மற்றும் பிறர் 0.08% ஆகவுள்ளனர்.

கல்வி

இங்கு பத்துப் பள்ளிக்கூடங்கள் மற்றும் இரண்டு கல்லூரிகள் உள்ளன.

போக்குவரத்து

மணப்பாறை திருச்சிக்கு திண்டுக்கலுக்கும் இடையில் தேசிய நெடுஞ்சாலை 8 ( பழைய எண் - 45 ) - ல் அமைந்துள்ளது. மணப்பாறை நகரம் , துவரங்குறிச்சி , புதுக்கோட்டை , குளித்தலை , கோவில்பட்டி ஆகிய நகரங்களுடனும் சாலை மார்கமாக இணைக்கப்பட்டுள்ளது

பேருந்து போக்குவரத்து

மணப்பாறை நகரின் மையப்பகுதியில் ஒரு பேருந்து நிலையம் அமைந்துள்ளது . திருச்சி, திண்டுக்கல் , பழனி , தேனி போன்ற நகரங்களுக்கு இங்கிருந்து அடிக்கடி பேருந்து சேவை உள்ளது.

மனப்பாறையிலிருந்து கீழ்காணும் நகரங்களுக்கும் பேருந்து சேவை உள்ளது .

• மதுரை
• துவரங்குறிச்சி
• புத்தாநத்தம்
• விராலிமலை
• இலுப்பூர்
• புதுக்கோட்டை
• பட்டுக்கோட்டை
• பொன்னமராவதி
• பாலக்குறிச்சி
• மருங்காபுரி
• கொடும்பாளூர்
• கரூர்
• ஈரோடு
• நாமக்கல்
• சேலம்
• தோகைமலை
• குளித்தலை
• முசிறி
• துறையூர்
• நெய்வேலி
• கடலூர்
• பொள்ளாச்சி
• கோயம்பத்தூர்
• சென்னை
• வேலூர்
• காஞ்சிபுரம்
• தஞ்சாவூர்
• கும்பகோணம்
• போடி
• தேவாரம்
• குமுளி
• கொடைக்கானல்

தொடர்வண்டி போக்குவரத்து

மணப்பாறை தொடர்வண்டி நிலையம் திருச்சி - திண்டுக்கல் மின்மயமாக்கப்பட்ட இருப்புப்பாதையில் அமைந்துள்ளது .