மைலாடி
| மயிலாடி | |||||
| — பேரூராட்சி — | |||||
| ஆள்கூறு | 8°09′18″N 77°30′18″E / 8.155°N 77.505°E | ||||
| நாடு |  இந்தியா
| ||||
| மாநிலம் | தமிழ்நாடு | ||||
| மாவட்டம் | கன்னியாகுமரி | ||||
| வட்டம் | அகத்தீஸ்வரம் | ||||
| ஆளுநர் | [1] | ||||
| முதலமைச்சர் | [2] | ||||
| மாவட்ட ஆட்சியர் | மு. பிரதாப், இ. ஆ. ப | ||||
| காவல்துறை ஆணையர் | மருத்துவர். ஸ்டாலின், ஐ.பி.எஸ் | ||||
| நாடாளுமன்ற உறுப்பினர் (எம்.பி.) | விஜய் வசந்த் | ||||
| சட்டமன்ற உறுப்பினர் (எம்.எல்.ஏ) | ந. தளவாய் சுந்தரம் | ||||
| மக்கள் தொகை | 10,070 (2011[update]) | ||||
| நேர வலயம் | இந்திய சீர் நேரம் (ஒ.ச.நே + 05:30) | ||||
|
குறியீடுகள்
| |||||
| இணையதளம் | www.mylaudytownpanchayat.nic.in | ||||
மயிலாடி (ஆங்கிலம்: Mylaudy), இந்தியாவின் தமிழ்நாடு மாநிலத்தில் அமைந்துள்ள கன்னியாகுமரி மாவட்டத்தில் இருக்கும் வயல்கள், மலைகள், ஆறுகள், இயற்கை வளங்கள் நிறைந்த ஒரு பேரூராட்சி ஆகும்.
பேரூராட்சியின் அமைப்பு
7.55 ச.கி.மீ. பரப்பும், 15 வார்டுகளும், 184 தெருக்களும் கொண்ட இப்பேரூராட்சி கன்னியாகுமரி சட்டமன்றத் தொகுதிக்கும், கன்னியாகுமரி மக்களவைத் தொகுதிக்கும் உட்பட்டது.
போக்குவரத்து வசதிகள்
வடசேரி, நாகர்கோவில், ஆரல்வாய்மொழி, ராஜவூர், திருச்செந்தூர், தூத்துக்குடி, உவரி, கன்னியாகுமரி ஆகிய இடங்களில் இருந்து தமிழக அரசு பேருந்துகளை இயக்குகிறது. (1A, 3, 3A, 3B, 3C, 3E, 3F, 3G, V3, 570, 70C, 30C, 30, 33B, 23....) (மயிலாடியில் பேருந்து நிற்கும்).
கேரள அரசு புனித இடங்களான ஹரிபாட், திருவனந்தபுரம், நாகர்கோவில், ஆத்தங்கரை பள்ளிவாசல் (திருநெல்வேலி மாவட்டம்) இடையே பேருந்து இயக்குகிறது (மயிலாடி வழியாக).
- அருகிலுள்ள விமான நிலையம்: திருவனந்தபுரம் சர்வதேச மற்றும் உள்நாட்டு விமான நிலையம் (சுமார் 74 கி.மீ. தூரம்).
- அருகிலுள்ள ரயில் நிலையம்: நாகர்கோவில் சந்திப்பு (சுமார் 5 கி.மீ. தூரம்).
உழவர் சந்தை
கன்னியாகுமரி மாவட்டத்தில் 2 உழவர் சந்தைகள் மட்டுமே உள்ளன. ஒன்று நாகர்கோவில் - வடசேரி மற்றும் மற்றொன்று மைலாடியில். மைலாடி சந்தையில் 60 கடைகள் உள்ளன. அங்கு விவசாயிகள் நுழைவுக் கட்டணம் மற்றும் கடை வாடகை செலுத்தாமல் தங்கள் பொருட்களை விற்கலாம்.[1]
பொதுவாக, இடைத்தரகர்கள் மற்றும் மொத்த வியாபாரிகள் விவசாயிகளிடமிருந்து குறைந்த விலையில் விவசாயப் பொருட்களை வாங்குகிறார்கள். அவர்கள் செய்யும் பரிவர்த்தனைகளுக்கு விவசாயிகளிடமிருந்து கமிஷனையும் பெறுகிறார்கள். இதையொட்டி, விவசாயிகளிடமிருந்து குறைந்த விலையில் வாங்கப்பட்ட புதிய காய்கறிகள் மற்றும் பழங்கள் சில்லறை வணிகர்களுக்கு அதிக விலைக்கு விற்கப்படுகின்றன. மேலும் சில்லறை வணிகர்கள் அந்த விவசாய பொருட்களை நுகர்வோருக்கு அதிக விலைக்கு விற்கிறார்கள். இதன் விளைவாக, விவசாயிகள் தங்கள் விளைபொருட்களுக்கு குறைந்த விலையை மட்டுமே பெறுகிறார்கள். அதே நேரத்தில் நுகர்வோர் அதே விளைபொருளுக்கு அதிக விலை கொடுக்க வேண்டியுள்ளது. எனவே, விவசாயிகள் மற்றும் நுகர்வோருக்கு அதிக நன்மைகளைப் பெறுவதற்காக தமிழ்நாடு அரசு "உழவர் சந்தை" என்று அழைக்கப்படும் மாற்று சந்தைப்படுத்தல் திட்டத்தை அறிமுகப்படுத்தியுள்ளது.
மருங்கூர் சூர சம்ஹாரம் மற்றும் மைலாடி ஆராட்டு விழா
ஒரு சிறிய மலையின் மேல் அமைந்துள்ள சுப்பிரமணிய சுவாமி கோயில், பார்வையிடத் தகுந்த இடமாகும். இந்தக் கோயில் பகுதி குமாரபுரம் தோப்பூர், மருங்கூர் என்று அழைக்கப்படுகிறது; குமரனின் (சுப்பிரமணிய சுவாமி) பெயரால். ஷஷ்டி மற்றும் சூரசம்ஹாரம் ஆகியவை இந்தக் கோயிலில் பிரபலமான திருவிழாக்கள். புகழ்பெற்ற கந்தஷஷ்டி கவச விழா இங்கு மிகவும் பிரபலமாக உள்ளது மற்றும் முக்கிய திருவிழாவாகக் கொண்டாடப்படுகிறது. 5 நாட்களுக்குப் பிறகு சுப்பிரமணிய சுவாமி வெள்ளி குதிரை வாகனத்தில் மைலாடிக்கு வந்து மைலாடி ஆற்றில் நீராடி 17 பொருட்களுடன் அபிஷேகம் செய்யப்படுகிறார். ஒவ்வோர் ஆண்டும் கன்னியாகுமரி மாவட்டத்தில் 5 நாட்கள் சூரசம்ஹாரம் விழாவிற்குப் பிறகு இது கொண்டாடப்படுகிறது.
திருவிழாவின் போது பல்வேறு இடங்களிலிருந்து மக்கள் ஒன்று சேர்கிறார்கள். திருவிழாவின் போது மற்ற மதத்தினரும் ஒன்று கூடுகிறார்கள்.
பள்ளிகள்
- றிங்கல் தௌபே மேல்நிலைப் பள்ளி, மைலாடி (நிறுவப்பட்டது 1809).
- எஸ். எம். மெட்ரிகுலேஷன் மேல்நிலைப் பள்ளி.[3]
- மோசஸ் மெட்ரிகுலேஷன் மேல்நிலைப் பள்ளி (முன்னர்: ஜோசப் பள்ளி).
- அரசு தொடக்கப் பள்ளி (மைலாடி மேற்கு).
- அரசு தொடக்கப் பள்ளி (மைலாடி கிழக்கு).
- மவுண்ட் லிட்டெரா சி. பி. எஸ். இ. பள்ளி, மைலாடி.[4]
- ஆரோக்கிய அன்னை அகாடமி மேல்நிலை சி. பி. எஸ். இ. பள்ளி.[5]
மக்கள்தொகை
2011 இந்திய மக்கள்தொகைக் கணக்கெடுப்பு அடிப்படையில், இப்பேரூராட்சி 2,661 வீடுகளும், 10,070 மக்கள்தொகையும் கொண்டது.[6]
பொருளாதாரம்
மைலாடியில் கல் சிற்பம், பெரிய இயந்திரங்களைப் பயன்படுத்தி கல் வெட்டுதல், கல் கோயில் கட்டுதல் ஆகியவை பிரபலமானவை.[7] மகாபலிபுரம் அருகே பல கடவுள் சிலைகளைச் செய்ததற்காகப் பிரபலமானவர். கயத்தாறுவில் கட்டபொம்மன் சிலை, சென்னை மெரினாவில் உள்ள திருவள்ளுவர் சிலை போன்றவை மைலாடி சிற்பிகளால் செய்யப்பட்டவை. அண்மையில் ஐயன் திருவள்ளுவரின் 6-அடி உயரச் சிலை ஒன்று ஆஸ்ரேலியாவில் நிறுவதற்காக கப்பல் மூலம் அனுப்பிவைக்கப்பட்டள்ளது.[8] மைலாடி சிற்பிகள் ஒரே கல்லில் சிலைகளை செதுக்குவதில் திறமையானவர்கள். மைலாடி கல் சிற்பம் 31 மார்ச் 2023 அன்று தமிழ்நாட்டில் புவியியல் அறிகுறிகள் பெற்றது.[9] தென்னை, நெல் ஒரு பெரிய தோட்டமாகும். மைலாடி இரண்டு மலைகளால் (மேற்குத் தொடர்ச்சி மலைகள், கிழக்குத் தொடர்ச்சி மலைகள்) சூழப்பட்டுள்ளது. மேலும் மைலாடியில் சுனாமி தொடர்ந்து நிலநடுக்கம் ஏற்படுவதற்கான வாய்ப்புகள் இல்லை என்று விஞ்ஞானிகள் கூறுகின்றனர்.
ஆதாரங்கள்
- ↑ "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. Retrieved நவம்பர் 3, 2015.
- ↑ "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. Retrieved நவம்பர் 3, 2015.
- ↑ "S.M Matriculation Higher Secondary School – Mylaudy, Kanyakumari". smmhrsscl.com. Retrieved 2025-07-18.
- ↑ "Mount Litera Zee School Mylaudy".
- ↑ "Top CBSE School in Kanniyakumari". www.aaacbseschool.in. Retrieved 2025-07-18.
- ↑ மைலாடி பேரூராட்சியின் மக்கள்தொகை பரம்பல்
- ↑ "Stone makings of god in mylaudy". 23 February 2021.
- ↑ என். சுவாமிநாதன் (14 சூலை 2017). "மைலாடி கல்லெடுத்து.. மகத்துவமா சிலை வடித்து..!". கட்டுரை. தி இந்து. Retrieved 14 சூலை 2017.
- ↑ "Details | Geographical Indications | Intellectual Property India". Archived from the original on 11 November 2024. Retrieved 24 August 2024.
.svg)
![[1]](https://en.wikipedia.org/wiki/File:Uzhavar_santhai_mylaudy.JPG#/media/File:Uzhavar_santhai_mylaudy.JPG){kind=link}