வெளியன் (நெல்)
| வெளியன் |
|---|
| பேரினம் |
| ஒரய்சா |
| இனம் |
| ஒரய்சா சாட்டிவா |
| வகை |
| பாரம்பரிய நெல் வகை |
| காலம் |
| 175 நாட்கள் |
| மகசூல் |
| ஏக்கருக்கு சுமார் 600 கிலோ |
| தோற்றம் |
| பண்டைய நெல் வகை |
| மாநிலம் |
| கேரளம்[1][2] |
| நாடு |
 இந்தியா
|
வெளியன் அல்லது வேலியன் (VELIYAN) என்று அழைக்கப்படும் இந்த நெல் வகை, தென்னிந்திய பாரம்பரிய நெல் வகையாகும், குறிப்பாக கேரளாவில் பயிரிடப்படும் ஒரு பண்டைய கால மற்றும் மிகவும் மதிப்புமிக்க நெல் வகை என கருதப்படுகிறது. தென்னிந்தியாவின் பாரம்பரிய உணவு கலாச்சாரத்தின் ஒரு பகுதியாகும். பெரும்பாலும் ஆரோக்கியமான மற்றும் புத்துணர்ச்சியூட்டும் உணவாகக் கருதப்படும் இது, ஆயுர்வேத நடைமுறைகளில் ஒரு முக்கிய அங்கமாகும், மேலும் அதன் குணப்படுத்தும் குணங்கள் காரணமாக சிகிச்சை உணவுகளில் பொதுவாகப் பயன்படுத்தப்படுகிறது.[1][3]
காலம்
நீண்ட கால அளவில் அறுவடைக்கு தயாராகும் இந்த நெல் வகை, 175 நாட்களில் முதிர்வடைவதாக கூறப்படுகிறது. சம்பா பருவத்தில் (பட்டம்) நடவு செய்யக்கூடியது.[1]
மகசூல்
சராசரியாக 89 சதமமீட்டர் உயரமும், அதிகபட்சமாக 101 சதமமீட்டர் உயரமும் வளரக்கூடிய இதன் நெற்கதிரில் உள்ள நெல்மணிகளின் எண்ணிக்கை 81 என கணக்கிடப்பட்டுள்ளது. நெல்லின் மகசூல் ஒரு ஏக்கருக்கு சராசரியாக 600 கிலோவாகவும், வைக்கோலின் மகசூல் 1100 கிலோவாகவும் உற்பத்தித் திறன் கொண்டதாக பதிவு செய்யப்பட்டுள்ளது.[1]
நெல்மணியின் இயல்பு
நெல்மணிகளின் அரிசி சிறிய மற்றும் மெல்லிய தானியங்களைக் கொண்டுள்ள வெளியன், உறுதியான அமைப்பைக் கொண்டுள்ளது. மேலும் இது சமைக்கும்போது மென்மையாகவும் பஞ்சுபோன்றதாக மாறக்கூடியது எனவும், அரிசியின் தானியங்கள் பொதுவாக வெள்ளை நிறத்தில் இருந்து வெளிர் பழுப்பு நிறத்தில் இருக்கும் எனவும் கூறப்படுகிறது. இதன் அரிசி வகை மென்மையான அமைப்பிற்கு பெயர் பெற்றது என்றும், மற்றும் பெரும்பாலும் இது இட்லி மற்றும் தோசை போன்ற பல்வேறு பாரம்பரிய உணவுகளில் பயன்படுத்தப்படுகிறது என்றும், சில ஒட்டும் அரிசி வகைகளைப் போலல்லாமல், வேலியன் அரிசி பசையம் இல்லாதது என்றும் கூறப்படுகிறது.[3]
இவற்றையும் காண்க
சான்றுகள்
- ↑ 1.0 1.1 1.2 1.3 "Profile of Selected Traditional Rice Varieties" (PDF). ciks.org (ஆங்கிலம்) - 2020. Retrieved 2025-07-21.
- ↑ Rice landraces of Kerala State of India: A documentation
- ↑ 3.0 3.1 "Veliyan Rice" (PDF). agroecologycentre.in (ஆங்கிலம்) - 2025. Retrieved 2025-07-21.
